Connect with us

Tech

താലിബാൻ അനുകൂല പോസറ്റുകൾ വിലക്കി ഫേസ്ബുക്ക്

Published

on

താലിബാൻ അനുകൂല പോസ്റ്റുകൾ വിലക്കി ഫേസ്ബുക്ക്. യുണൈറ്റഡ് സ്റ്റേറ്റ്സ് നിയമ സംവിധാനം താലിബാനെ ഭീകരസംഘടനയാണെന്ന് വ്യക്തമാക്കിയത് ചൂണ്ടിക്കാട്ടിയാണ് നടപടി.

താലിബാന്റെ ഫേസ്ബുക്ക് അക്കൗണ്ടുകൾ, ഇവർ നിയന്ത്രിക്കുന്ന അക്കൗണ്ടുകൾ/പേജുകൾ, വിഡിയോകൾ താലിബാൻ അനുകൂല പോസ്റ്റുകൾ, അവരെ പ്രകീർത്തിക്കുന്ന പോസ്റ്റുകൾ വിഡിയോകൾ എന്നിവയും ഫേസ്ബുക്ക് വിലക്കിയതായി അറിയിച്ചു.

ഇത്തരം പോസ്റ്റുകൾ തിരിച്ചറിയാൻ അഫ്​ഗാൻ പ്രാദേശിക ഭാഷ സംസാരിക്കുന്നവരെ ഉൾപ്പെടുത്തി വിപുലമായ സംഘത്തെ രൂപീകരിച്ചതായും ഫേസ്ബുക്ക് അധികൃതർ അറിയിച്ചു. ദരി, പഷ്തോ എന്നീ പ്രാദേശിക ഭാഷകൾ സംസാരിക്കുന്ന സംഘാം​ഗങ്ങൾ അഫ്​ഗാനിലെ താലിബാൻ നീക്കങ്ങളും, പുതിയ സംഭവങ്ങളുമെല്ലാം നിരീക്ഷിച്ച് ഫേസ്ബുക്ക് അധികൃതർക്ക് റിപ്പോർട്ട് നൽകും.

News

കേന്ദ്രസർക്കാരിന്റെ യോഗ ബ്രേക്ക് മൊബൈല്‍ ആപ്പ് ഇന്ന് പുറത്തിറങ്ങും

Published

on

ആരോഗ്യ സംരക്ഷണത്തിനുള്ള കേന്ദ്രസർക്കാരിന്റെ യോഗ ബ്രേക്ക് മൊബൈല്‍ ആപ്പ് ഇന്ന് പുറത്തിറങ്ങും. ആസാദി കാ അമൃത് മഹോത്സവ് ആഘോഷങ്ങളുടെ ഭാഗമായി ഇന്ന് കേന്ദ്ര ആയുഷ് മന്ത്രി സര്ബാനന്ദ സോനോവാളിന്റെ നേതൃത്വത്തില്‍ യോഗ ബ്രേക്ക് മൊബൈല്‍ ആപ്ലിക്കേഷന്‍ ലോഞ്ച് ചെയ്യും.

ന്യൂഡൽഹിയിലെ വിഗ്യാന്‍ ഭവനിൽ വച്ചാണ് ആപ്ലിക്കേഷൻ രാജ്യത്തിന് സമർപ്പിക്കുക. സെപ്റ്റംബര്‍ അഞ്ച് വരെയുള്ള ഒരാഴ്ച കാലത്തേക്ക് നിരവധി പരിപാടികളും പ്രചാരണങ്ങളും ആയുഷ് മന്ത്രാലയം തയാറാക്കിയിട്ടുണ്ട്. കേന്ദ്ര മന്ത്രിമാരായ മന്സൂഖ് മാണ്ഡവ്യ, കിരണ്‍ റിജിജു, അനുരാഗ് സിംഗ് ഠാക്കൂര്‍, ജിതേന്ദ്ര സിംഗ്, മീനാക്ഷി ലേഖി, ഡോ. മുഞ്ചപ്പാറ മഹേന്ദ്രഭായ് എന്നിവരും ചടങ്ങില്‍ പങ്കെടുക്കും.

തൊഴിലിടങ്ങളിലെ മാനസിക പരിമുറുക്കം അയക്കുക, ഉണർവും ഉന്മേഷവും നൽകുക, ഇതിലൂടെ കൂടുതൽ കാര്യക്ഷമതയോടെ പ്രവർത്തിക്കാൻ സാധിക്കുക, ഈ ലക്ഷ്യങ്ങൾ മുന്നിൽ കണ്ടാണ് അഞ്ച് മിനിറ്റ് യോ​ഗ ബ്രേക്ക് പ്രോട്ടോക്കോൾ വിഭാവനം ചെയ്തിരിക്കുന്നത്. തദാസനം, ഉർധ്വ ഹസ്തോത്തനാസന തദാസനം, സ്കന്ദ ചക്ര ഉത്തനമണ്ഡുകാസനം, കതി ചക്രാസനം, അർധ ചക്രാസനം, പ്രസരിത പഡോത്തനാസനം, ഡീപ് ബ്രീതിം​ഗ്, നാഡിശോധന പ്രാണായാമം, ഭ്രമരി പ്രാണായാമം, ധ്യാനം എന്നിവയാണ് പ്രോട്ടോക്കോളിൽ ഉൾപ്പെടുത്തിയിരിക്കുന്നത്.

Continue Reading

Entertainment

18 വയസ്സിൽ താഴെയുള്ള ഗെയിമർമാർക്ക് ആഴ്ചയിൽ കളിക്കാൻ അനുവാദം 3 മണിക്കൂർ മാത്രം; നിബന്ധനയുമായി ചൈന

Published

on

18 വയസ്സിൽ താഴെയുള്ള ഗെയിമർമാർക്ക് പുതിയ നിബന്ധന വച്ച് ചൈന. ഇവർക്ക് ഇനി മുതൽ ആഴ്ചയിൽ മൂന്ന് മണിക്കൂർ മാത്രമേ ഗെയിം കളിക്കാനുള്ള അനുവാദമുള്ളൂ. കൗമാരക്കാരുടെ വിഡിയോ ഗെയിമിനോടുള്ള അഡിക്ഷനാണ് പുതിയ തീരുമാനം എടുക്കാനുള്ള കാരണം. മൊബൈൽ ഫോണുകൾ ഉൾപ്പെടെയുള്ള ഏത് മാധ്യമത്തിലും ഈ നിബന്ധന ബാധകമാണ്. (China Gamers 3 Hours)

വെള്ളി, ശനി ഞായർ ദിവസങ്ങളിൽ മാത്രമാണ് കൗമാരക്കാർക്ക് ഗെയിം കളിക്കാനുള്ള അനുവാദം. ഓരോ ദിവസവും രാത്രി 8 മുതൽ 9 വരെയുള്ള ഓരോ മണിക്കൂർ വീതം ഗെയിം കളിക്കാം.

ഈ സമയത്തിനപ്പുറം 18 വയസ്സിൽ താഴെയുള്ള ഗെയിമർമാർക്ക് ഒരു തരത്തിലുള്ള പിന്തുണയും നൽകരുതെന്ന് ഗെയിമിങ് കമ്പനികൾക്ക് കർശന നിർദ്ദേശമുണ്ട്. വെരിഫിക്കേഷനിൽ ഗെയിമർമാരുടെ ശരിയായ വയസ്സ് തന്നെ രേഖപ്പെടുത്തുന്നുണ്ടെന്ന് ഉറപ്പാക്കണമെന്നും നിർദ്ദേശമുണ്ട്.

2019ലെ നിയമപ്രകാരം കൗമാര ഗെയിമർമാർക്ക് എല്ലാ ദിവസവും ഒന്നര മണിക്കൂർ വീതവും അവധി ദിവസങ്ങളിൽ 3 മണിക്കൂർ വീതം ഗെയിം കളിക്കാനാണ് അനുവാദമുണ്ടായിരുന്നത്.

ഗ്ലോബൽ ഗെയിമിങ് ഇൻഡസ്ട്രിയിലെ ഏറ്റവും വലിയ മാർക്കറ്റാണ് ചൈന. ലക്ഷക്കണക്കിന് കൗമാരക്കാരാണ് ഗെയിം കളിക്കാനായി ദിവസവും മണിക്കൂറുകൾ ചെലവഴിക്കുന്നത്. അതുകൊണ്ട് തന്നെ ചൈനയുടെ ഈ തീരുമാനം ഗെയിമിങ് ഇൻഡസ്ട്രിയെ പ്രതികൂലമായി ബാധിക്കും.

Continue Reading

Entertainment

ഇന്ത്യയിൽ വിപിഎൻ പൂർണമായി നിരോധിക്കണം; ആവശ്യവുമായി പാർലമെന്ററി പാനൽ

Published

on

ഇന്ത്യയിൽ വിപിഎൻ പൂർണമായി നിരോധിച്ചേക്കും. ആഭ്യന്തര മന്ത്രാലയത്തിൻ്റെ പാർലമെൻ്ററി സ്റ്റാൻഡിംഗ് കമ്മറ്റിയാണ് സർക്കാരിനോട് ഇക്കാര്യം ആവശ്യപ്പെട്ടത്. രാജ്യത്ത് സൈബർ ക്രൈമുകൾ വർധിക്കുന്നതിൻ്റെ അടിസ്ഥാനത്തിലാണ് നടപടി. സൈബർ സെക്യൂരിറ്റി മറികടന്ന് ഓൺലൈനിൽ അനോണിമസായി കുറ്റകൃത്യങ്ങൾ ചെയ്യാനുള്ള അവസരമാണ് വിപിഎനുകൾ നൽകുന്നതെന്ന് കമ്മറ്റി പറഞ്ഞു. രാജ്യാന്തര ഏജൻസികളുമായി ചേർന്ന് വിപിഎൻ സ്ഥിരമായി നിരോധിക്കാൻ വേണ്ട സംവിധാനത്തിനു രൂപം നൽകണമെന്നും കമ്മറ്റി ആവശ്യപ്പെട്ടു.

Continue Reading

Trending

Copyright © 2021 Public Diary