Business
ഞെട്ടിക്കാൻ റിലയൻസ്! ജിയോഫോൺ നെക്സ്റ്റിന്റെ വില പുറത്ത്

ജൂണിൽ നടന്ന റിലയൻസ് ഇൻഡസ്ട്രീസിന്റെ 44-മത് വാർഷിക സമ്മേളനത്തിലാണ് അമേരിക്കൻ ടെക് ഭീമനായ ഗൂഗിളുമായി സഹകരിച്ച് ജിയോഫോൺ നെക്സ്റ്റ് എന്ന പേരിൽ 4ജി സ്മാർട്ട്ഫോൺ പ്രഖ്യാപിച്ചത്. സെപ്റ്റംബർ 10ന് ഗണേശ ചതുർഥി ദിനത്തിലാണ് ജിയോഫോൺ നെക്സ്റ്റ് വിപണിയിലെത്തുക എന്നും മുകേഷ് അംബാനിയുടെ നേതൃത്വത്തിലുള്ള ടെക് ഭീമൻ വ്യക്തമാക്കിയിരുന്നു. ജിയോഫോൺ നെക്സ്റ്റ് വിപണയിലെത്താൻ ദിവസങ്ങൾ മാത്രം ശേഷിക്കേ ഫോണിന്റെ വില വിവരങ്ങൾ അനൗദ്യോഗികമായി പുറത്തായി.
പ്രശസ്ത ടിപ്പ്സ്റ്റർ യോഗേഷ് നൽകുന്ന വിവരങ്ങൾ അനുസരിച്ച് 3,499 രൂപയാവും ജിയോഫോൺ നെക്സ്റ്റിന്. ജിയോഫോൺ നെക്സ്റ്റിന് 50 ഡോളറായിരിക്കും വില എന്ന മുൻ റിപോർട്ടുകൾ ശരിവയ്ക്കും വിധമാണ് വില സംബന്ധിച്ച വിവരങ്ങൾ പുറത്ത് വന്നിരിക്കുന്നത്. 2ജി കണക്ടിവിറ്റിയിൽ നിന്ന് 4ജി കണക്റ്റിവിറ്റിയിലേക്ക് ഇനിയും അപ്ഗ്രേഡ് ചെയ്യാൻ ഫോണിന്റെ വില മൂലം സാധിക്കാത്തവർക്കുള്ള വിലക്കുറവുള്ള ഫോൺ ആയാണ് ജിയോഫോൺ നെക്സ്റ്റ് അവതരിപ്പിക്കുന്നത് എന്ന റിലയൻസിന്റെ പ്രഖ്യാപനം സാധൂകരിക്കുന്നതാണ് ഈ വില. അതെ സമയം റിലയൻസ് ഔദ്യോഗികമായി വില സംബന്ധിച്ച വിവരങ്ങൾ ഒന്നും തന്നെ പുറത്ത് വിട്ടിട്ടില്ല.
ലോഞ്ചിന് മുൻപായി ജിയോഫോൺ നെക്സ്റ്റിന്റെ മറ്റു ചില വിവരങ്ങളും പുറത്തായിട്ടുണ്ട്. ആൻഡ്രോയിഡ് 11 അടിസ്ഥാനമാക്കിയുള്ള ഗൂഗിളിന്റെ ആൻഡ്രോയിഡ് ഗോ ഓപ്പറേറ്റിങ് സിസ്റ്റത്തിലാണ് ജിയോഫോൺ നെക്സ്റ്റ് പ്രവർത്തിക്കുക എന്നതാണ് ഒന്ന്. 13 മെഗാപിക്സൽ പിൻ ക്യാമറയും 8 മെഗാപിക്സൽ മുൻ ക്യാമറയും ഉണ്ടാകും എന്നാണ് മിഷാൽ റഹ്മാൻ ( XDA ഡെവലപ്പേഴ്സ് എഡിറ്റർ) റിപ്പോർട്ട് ചെയ്യുന്നത്. ലോ ലൈറ്റ് ഫോട്ടോഗ്രാഫിക്കായി പ്രത്യേകം തയ്യാറാക്കിയതാണ് ജിയോഫോൺ നെക്സ്റ്റിൻ്റെ ലെൻസ്. എച്ച്ഡിആർ മോഡും ക്യാമെറയ്ക്കുണ്ടായിരിക്കും.
Business
റൊണാൾഡോയ്ക്ക് ‘വീട്ടിലേക്ക് സ്വാഗതം’ ഔദ്യോഗികമായി സ്ഥിരീകരിച്ച് മാഞ്ചസ്റ്റർ യുണൈറ്റഡ്

പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോ 12 വർഷങ്ങൾക്ക് ശേഷം പ്രീമിയർ ലീഗ് ക്ലബ്ബായ മാഞ്ചസ്റ്റർ യുണൈറ്റഡിലേക്ക് തിരിച്ചെത്തി. 2003 മുതൽ 2009 വരെ റൊണാൾഡോ യുണൈറ്റഡിനായി കളിച്ചിരുന്നു.റൊണാള്ഡോക്കായി യുവന്റസിന് 20 മില്യണ് യൂറോയാണ് (173 കോടി) മാഞ്ചസ്റ്റര് നല്കുന്നത്. രണ്ട് വര്ഷത്തേക്കാണ് കരാര്.
ഫുട്ബോൾ ലോകം മുഴുവൻ വലിയ ആകാംക്ഷയോടെ കാത്തിരുന്ന ട്രാൻസ്ഫർ മാഞ്ചസ്റ്റര് യുണൈറ്റഡ് ഔദ്യോഗികമായി സ്ഥിരീകരിച്ചു. റൊണാള്ഡോ മാഞ്ചസ്റ്റര് സിറ്റിയേക്ക് പോകുന്നുവെന്ന് നേരത്തെ റിപ്പോര്ട്ടുകളുണ്ടായിരുന്നെങ്കിലും സിറ്റി പരിശീലകന് പെപ് ഗ്വാര്ഡിയോള ഇന്ന് വൈകിട്ട് ഇക്കാര്യം നിഷേധിച്ചിരുന്നു.
ഇറ്റാലിയൻ ക്ലബ്ബ് യുവന്റസിൽ നിന്ന് ട്രാൻസ്ഫർ ചോദിച്ചുവാങ്ങിയ ക്രിസ്റ്റ്യാനോ മാഞ്ചസ്റ്റർ സിറ്റിയിൽ കളിക്കാനുള്ള സന്നദ്ധത അറിയിച്ചെങ്കിലും സാമ്പത്തിക കാര്യങ്ങളിൽ തീരുമാനമാകാത്തതിനെ തുടർന്നാണ് ഇംഗ്ലീഷ് ക്ലബ്ബ് പിന്മാറിയത്. താരത്തിനു വേണ്ടിയുള്ള ശ്രമം അവസാനിപ്പിക്കുന്നതായി ക്ലബ്ബ് വ്യക്തമാക്കുകയായിരുന്നു.
Business
ആൻഡ്രോയ്ഡിൽ ജോക്കർ വൈറസ്; പണം തട്ടുന്ന ഈ എട്ട് ആപ്ലിക്കേഷനുകൾ ഉടൻ നീക്കം ചെയ്യണം

ആൻഡ്രോയ്ഡ് ഫോണിൽ വീണ്ടും ജോക്കർ വൈറസ് കടന്നുകൂടുന്നതായി റിപ്പോർട്ട്. ചില വ്യാജ മൊബൈൽ ആപ്ലിക്കേഷനുകൾ വഴിയാണ് ഈ വൈറസുകൾ ഫോണുകളിൽ കയറിക്കൂടുന്നത്.
വൈറസിനെ കടത്തി വിടുന്ന ആൻഡ്രോയ്ഡ് ആപ്ലിക്കേഷനുകളുടെ പട്ടിക ബെൽജിയം പൊലീസ് പുറത്തുവിട്ടു. ഈ ആപ്ലിക്കേഷനുകളെല്ലാം മറ്റൊരു യഥാർത്ഥ ആപ്ലിക്കേഷനുകളുടെ വ്യാജ പതിപ്പാണ്. അതുകൊണ്ട് തന്നെ ഉപഭോക്താക്കൾ യഥാർത്ഥമെന്ന് കരുതി ഇത്തരം വ്യാജ ആപ്പുകൾ ഡൗൺലോഡ് ചെയ്ത് വൈറസ് കെണിയിൽ അകപ്പെടുന്നു.
ആപ്പുകളുടെ പേര്
ഓക്സിലറി മെസേജ്
എലമെന്റഅ സ്കാനർ
ഫാസ്റ്റ് മാജിക് എസ്എംഎസ്
ഫ്രീ കാംസ്കാനർ
ഗോ മെസേജസ്
സൂപ്പർ മെസേജസ്
സൂപ്പർ എസ്എംഎസ്
ട്രാവൽ വോൾപേപ്പേഴ്സ്
എസ്എംഎസ് മെസേജുകൾ, കോണ്ടാക്ട് ലിസ്റ്റ്, ഡിവൈസ് ഇൻഫോ എന്നിവയെല്ലാം ചോർത്തി ഉപഭോക്താക്കളുടെ പണവും സ്വകാര്യ വിവരങ്ങളും തട്ടിയെടുക്കുന്നതാണ് ജോക്കർ വൈറസിന്റെ രീതി. ട്രോജൻ ഗണത്തിൽ പെടുന്നതുകൊണ്ട് തന്നെ ഉപഭോക്താക്കളുടെ അറിവോ സമ്മതമോ ഇല്ലാതെ ചില പ്രീമിയം സർവീസുകൾ സബ്സ്ക്രൈബ് ചെയ്യുകയും ചെയ്യും ഈ വൈറസ്.
Business
ഇന്ത്യക്കാര്ക്ക് മാത്രമായി പുതിയ പ്രത്യേകതയുമായി വാട്ട്സ്ആപ്പ്

ഇനി വാട്ട്സ്ആപ്പ് വഴി പണമയക്കുമ്പോള് പുതിയ പിക്ചര് ബാക്ക്ഗ്രൗണ്ട് കാണിക്കുന്ന ഫീച്ചര് കമ്പനി അവതരിപ്പിച്ചിരിക്കുന്നു.
പണം ഇടപാടുകള്ക്ക് പേയ്മെന്റ് ബാക്ക്ഗ്രൗണ്ട് അനുവദിക്കാന് ഈ പുതിയ ഫീച്ചര് ഇന്ത്യയിലാണ് ഇപ്പോള് ലഭ്യമാകുന്നത്. ഇത് ഇന്ത്യന് ഉപയോക്താക്കള്ക്കായി പ്രത്യേകം രൂപകല്പ്പന ചെയ്തിട്ടുള്ളതാണ്. ഇനി ജന്മദിനങ്ങള്, അവധി ദിവസങ്ങള്, സമ്മാനങ്ങള്, യാത്രകള് എന്നിവയ്ക്കായി അയച്ച പണം അയക്കുമ്പോള് അതിനു യോജിച്ച ബാക്ക്ഗ്രൗണ്ടുകള് ഉപയോഗിക്കാം.
പണമിടപാടുകള്ക്ക് കലാപരമായി ഒരു ഘടകം കൂടി ചേര്ക്കുന്നുവെന്നു മാത്രം. അയയ്ക്കുന്നയാള്ക്കും സ്വീകര്ത്താവിനും കൂടുതല് വ്യക്തിപരമായ അനുഭവം സൃഷ്ടിക്കുക എന്നതാണ് പേയ്മെന്റ് ബാക്ക്ഗ്രൗണ്ട് ഫീച്ചറിനു പിന്നിലെ പ്രധാന ആശയമെന്ന് വാട്ട്സ്ആപ്പ് പറഞ്ഞു. പണം അയയ്ക്കുന്നതും സ്വീകരിക്കുന്നതും വെറും ഒരു ഇടപാടിനെക്കാളേറെയാണെന്നും കൂടുതല് സവിശേഷതകളും പ്രവര്ത്തനങ്ങളും സൃഷ്ടിക്കുന്നതിനും വാട്ട്സ്ആപ്പില് പണമിടപാടുകള് രസകരമായ അനുഭവമായി മാറ്റാന് ആഗ്രഹിക്കുന്നുവെന്നും കമ്പനി പ്രസ്താവനയില് പറയുന്നു.