News
തിരൂർ പോളിയിൽ ടെക്നോളജി ബിസിനസ് വികസന കേന്ദ്രം

തിരൂർ സീതി സാഹിബ്
മെമ്മോറിയൽ പോളിടെക്നിക്ക്
കോളേജിൽ നവംബർ 1 ന് കേരളപ്പിറവി ദിനത്തിൽ ടെക്നോളജി ബിസിനസ് ഇൻക്യുബേറ്റർ യാഥാർഥ്യമായി.

വിദ്യാർത്ഥികളിലെ നൂതന സംരംഭകത്വ ആശയങ്ങളെ കണ്ടെത്തി പ്രോത്സാഹിപ്പിക്കുന്നതിനായി കേരള സ്റ്റാർട്ടപ്പ് മിഷന് (KSUM) കീഴിൽ ഇന്നവേഷൻ & എൻറർപ്രണർഷിപ്പ് ഡെവലപ്മെൻറ് സെൻറർ (IEDC) നവംബർ 2015 മുതൽ പോളിടെക്നിക്കിൽ പ്രവർത്തിക്കുന്നുണ്ട്.

വിദ്യാർഥികളുടെ നേതൃത്വത്തിൽ ആരംഭിക്കുന്ന സ്റ്റാർട്ടപ്പുകൾക്ക് പ്രോത്സാഹനം നൽകുക, ടെക്നോളജി ബേയ്സ്ഡ് സംരംഭകർക്ക് അടിസ്ഥാന സൗകര്യം ഒരുക്കുക, എന്നിവ ലക്ഷ്യമിട്ടാണ് എൻറർപ്രണർ പാർക്ക്, കോ-വർക്കിങ്ങ് സ്പേയ്സ്, എന്നീ ആശയങ്ങൾ കോളേജ് ക്യാമ്പസിൽ ടെക്നോളജി ബിസിനസ് ഇൻകുബേറ്ററിന്റെ ഭാഗമായി ആരംഭിക്കുന്നത്.

കേരളപ്പിറവി ദിനമായ നവംബർ ഒന്നിന് “എസ്എസ്എം വെഞ്ച്വർ’ലാബ് ടിബിഐ” പ്രവർത്തനത്തിൻ്റെ സോഫ്റ്റ് ലോഞ്ച് പോളിടെക്നിക്ക് പ്രിൻസിപ്പൽ അബ്ദുൽ നാസർ കൈപ്പഞ്ചേരി നിർവ്വഹിച്ചു. ടിബിഐ മാനേജർ മുഹമ്മദ് സിയാദ് ടിഎ സ്വാഗതം ആശംസിച്ചു.
തിരൂർ പോളിടെക്നിക്ക് സോഷ്യൽ റസ്പോൺസിബിലിറ്റി സംരംഭമായ സെൻ്റർ ഫോർ ലോക്കൽ എംപവർമെൻറ് ആൻറ് സോഷ്യൽ ഡവലപ്മെൻറ് പദ്ധതിക്ക് കീഴിൽ പ്രവർത്തിക്കുന്ന “അദ്വൈത ലീഡ്സ് അപ്പാരൽ ഡിസൈൻ സ്കിൽ ഡവലപ്പ് മെൻ്റ് സെൻറർ” പ്രൊജക്റ്റ് പ്രതിനിധികളായ അദ്വൈത കോഡിനേറ്റർ നേഹ സി മേനോൻ, കുടുംബശ്രീ മിഷൻ റിസോഴ്സ് പേഴ്സൺ സഫ്ന എ, മലപ്പുറം റൗണ്ട് ടേബിൾ ചെയർമാൻ മുജീബ് താനാളൂർ എന്നിവർ ചടങ്ങിന് ആശംസകൾ നേർന്നു.
പോളിടെക്നിക്കിലെ ഒന്നാം വർഷ സിവിൽ എൻജിനീയറിങ് വിദ്യാർത്ഥിയായ മുഹമ്മദ് സഈദ് ആരംഭിച്ച സ്റ്റാർട്ടപ്പ് കമ്പനിക്കാണ് ആദ്യമായി ടി.ബി.ഐ. യിൽ സ്പേയ്സ് നൽകുന്നത്. ചടങ്ങിൽ മുഹമ്മദ് സയീദിനെ ആദരിച്ചു.
വിദ്യാർത്ഥികൾ, പൂർവ്വ വിദ്യാർത്ഥി സംരംഭകർ, അടിസ്ഥാന സൗകര്യങ്ങൾ ഇല്ലാത്തവർ, ടെക്നോളജി ബിസിനസ് നടത്തുവാൻ താല്പര്യമുള്ളവർ, എന്നിവർക്കാണ് ആദ്യ ഘട്ടത്തിൽ അവസരം നൽകുന്നതെന്ന് കോളേജ് ഗവേർണിംഗ് ബോഡി ചെയർമാൻ കുട്ടി അഹമ്മദ് കുട്ടി അറിയിച്ചു.
ഐഇഡിസി വിദ്യാർത്ഥികൾ, സ്റ്റാഫ് കൗൺസിൽ സെക്രട്ടറി എവി ഷംസുദ്ധീൻ, വനിതാ സംരംഭകത്വ കോഡിനേറ്റർ മുംതാസ് എം, എനർജി മാനേജ്മെൻ്റ് സെൻറർ കോഡിനേറ്റർ അൻവർ എസ്, അധ്യാപകർ, സ്റ്റാഫ് അംഗങ്ങൾ, ബ്ലൂ ബോക്സ് സ്റ്റാർട്ടപ്പ് പ്രതിനിധികൾ, പൂർവ്വ വിദ്യാർത്ഥികൾ, ടിബിഐ സ്റ്റാഫ് അംഗങ്ങളായ ജാമിയ പി, മുഹമ്മദ് ഇക്ബാൽ പുതുക്കനാട്ടിൽ, ശ്രീകാന്ത് വി, പത്മനാഭൻ പള്ളിയേരി എന്നിവർ ചടങ്ങിൽ സംബന്ധിച്ചു.
നിലവിൽ കേരള സ്റ്റാർട്ടപ്പ് മിഷന് കീഴിൽ തിരുവനന്തപുരം ടെക്നോപാർക്ക്, പിറവം ടെക്നോ ലോഡ്ജ്, കൊച്ചി കേരളാ ടെക്നോളജി ഇന്നവേഷൻ സോൺ, പാലക്കാട്, മലബാർ ഇന്നവേഷൻ സോൺ, കണ്ണൂർ ടെക്നോ ലോഡ്ജ്, ജില്ലാ പഞ്ചായത്ത് കാസർഗോഡ്, എന്നിവിടങ്ങളിലാണ് ടിബിഐ കൾ പ്രവർത്തിക്കുന്നത്.
“എസ് എസ് എം വെഞ്ച്വർ’ലാബ് ടിബിഐ (ടെക്നോളജി ബിസിനസ് ഇൻക്യുബേറ്റർ) ലക്ഷ്യം വെക്കുന്ന മുഖ്യ പ്രവർത്തന മേഖലകൾ
🔳 സ്റ്റുഡൻറ് സ്റ്റാർട്ടപ്പ് സപ്പോർട്ട്
🔳 സ്റ്റുഡൻറ് ഫാക്കൽട്ടി അലുംനി സ്റ്റാർട്ടപ്പ്
🔳 വിമൻ & യൂത്ത് എംഎസ്എംഇ ഹബ്
🔳 സ്റ്റാർട്ടപ്പ് ബൂട്ട് കാമ്പ് ഫോർ റൂറൽ ഇന്നവേറ്റേഴ്സ്
🔳 എൻറർപ്രണർ പാർക്ക് & കോ-വർക്കിംഗ് സ്പേയ്സ്
🔳 കാപ്റ്റീവ് ബാക്ക് ഓഫീസ് & വർക്ക് നിയർ ഹോം
🔳 തിരൂർ (മലപ്പുറം) ഏയ്ഞ്ചൽ ഇൻവെസ്റ്റർ കമ്മ്യൂണിറ്റി.
സംരംഭകത്വ സാധ്യതയുള്ള നൂതന സാങ്കേതിക വിദ്യകളിലെ നൈപുണ്യ പരിശീലനം (Emerging Technology Skill Training) നൽകി പുതിയ കാലഘട്ടത്തിൽ യുവാക്കളെ സജ്ജരാക്കാൻ ടിബിഐ പ്രഥമ പരിഗണന നൽകും.
വിദ്യാർത്ഥികൾക്കും പൊതു സമൂഹത്തിനും പ്രയോജനം ലഭിക്കും വിധം ടിബിഐ ഇൻഫ്രാസ്ട്രക്ചർ സൗകര്യങ്ങൾ മെച്ചപ്പെടുത്താൻ കെഎംഇഎ മാനേജ്മെൻറ് പ്രതിജ്ഞാ ബദ്ധമാണെന്ന് ജനറൽ സെക്രട്ടറിയും അബാദ് ഗ്രൂപ്പ് സിഎംഡിയുമായ റിയാസ് അഹമ്മദ് സേഠ് അറിയിച്ചു.
ഗൾഫ് മേഖലയിലെ സ്വദേശിവൽക്കരണവും കോവിഡ് യാത്രാ നിയന്ത്രണങ്ങളും സംജാതമാക്കിയ സാഹചര്യങ്ങൾ മറികടക്കാൻ നോളജ് ബേയ്സ്ഡ് സേവനങ്ങളും മറ്റും വർക്ക് നിയർ ഹോം മാതൃകയിലേക്ക് മാറുന്ന തൊഴിൽ സംസ്ക്കാരം ഏറെ അകലെയല്ല എന്ന് റിജൻസി ഗ്രൂപ്പ് എംഡിയും പോളിടെക്നിക്ക് ഗവർണിംഗ് ബോഡി അംഗവുമായ ഡോ. അൻവർ അമീൻ ചേലാട്ട് അഭിപ്രായപ്പെട്ടു.
സംസ്ഥാനത്ത് കെ-ഡിസ്ക് നടപ്പാക്കുന്ന യംഗ് ഇന്നവേറ്റേഴ്സ് പ്രോഗ്രാം (K-DISC YIP) വൺ ഡിസ്ടിക്ട് വൺ ഐഡിയ (ODOI) കേരള നോളജ് എക്കോണമി മിഷൻ (KKEM) കേരള സ്റ്റാർട്ടപ്പ് മിഷൻ (KSUM) എന്നിവയുടെ നോഡൽ സെൻ്റർ എന്ന നിലയിൽ സംസ്ഥാനത്തെ പോളിടെനിക്കുകളിൽ എസ്എസ്എം ഒരു മികവിൻ്റെ കേന്ദ്രമായി മാറുമെന്ന് ടിബിഐ സോഫ്റ്റ് ലോഞ്ച് വേളയിൽ പ്രിൻസിപ്പാൾ അബ്ദുൽ നാസർ കൈപ്പഞ്ചേരി അറിയിച്ചു.
ചടങ്ങിൽ ഐഇഡിസി നോഡൽ ഓഫീസർ ഹാഷിം എഎസ് നന്ദി പ്രകാശിപ്പിച്ചു.
News
മലപ്പുറം ജില്ലാ ട്രോമാകെയർ തവനൂർ പ്രതീക്ഷാ ഭവനിൽ റോഡ് സുരക്ഷ ബോധവൽകരണ പരിശീലനം നടത്തി

കേരള സർക്കാർ സാമൂഹ്യനീതി വകുപ്പിന് കീഴിലുള്ള പ്രതീക്ഷഭവനിലെ 40 താമസക്കാർക്കു വേണ്ടി സീതി സാഹിബ് മെമ്മോറിയൽ പോളി ടെക്നിക്ക് നാഷണൽ സർവീസ് സ്കീം, സ്നേഹതീരം വളണ്ടിയർ വിംഗ്, ലീഡ്സ് സെൻ്റർ ഫോർ ലോക്കൽ എംപവർമെൻ്റ് ആൻറ് സോഷ്യൽ ഡവലപ്മെൻ്റ്, എന്നിവ സംയുക്തമായി മലപ്പുറം ജില്ലാ ട്രോമാ കെയറിന്റെ ആഭിമുഖ്യത്തിൽ റോഡ് സുരക്ഷ ബോധവൽകരണ പരിശീലനം നൽകി.
പരിപാടിക്ക് എസ് എസ് എം പോളിടെക്നിക്ക് കോളേജ് ഇഎംസി കോഡിനേറ്റർ അൻവർ സുലൈമാൻ സ്വാഗതം പറഞ്ഞു.
തവനൂർ വൃദ്ധമന്ദിരം സൂപ്രണ്ട് സിദ്ദിഖ് ചുണ്ടക്കാടൻ അധ്യക്ഷത വഹിച്ചു.
മലപ്പുറം ജില്ലാ എൻഎസ്എസ് കോഡിനേറ്റർ കെ എ കാദർ പരിപാടി ഉദ്ഘാടനം ചെയ്തു.
ബോധവൽക്കരണ പരിശീലന പരിപാടിക്ക് തിരൂരങ്ങാടി അസിസ്റ്റന്റ് മോട്ടോർ വെഹിക്കിൾ ഇൻസ്പെക്ടർ സന്തോഷ് കുമാർ കെ നേതൃത്വം നൽകി.
മലപ്പുറം ജില്ലാ ട്രോമാകെയർ ഭാരവാഹികളായ മുജീബ് തൃത്താല, അബ്ബാസ് താനൂർ, അബ്ദുല്ല വികെ, റസാക്ക്, വാമനൻ, എന്നിവർ പങ്കെടുത്തു.
പ്രതീക്ഷ ഭവൻ സ്പെഷ്യൽ എഡ്യൂക്കേറ്റർ മുഹമ്മദ് അജ്മൽ പരിപാടിക്ക് ആശംസകൾ അർപ്പിച്ചു.
പ്രതീക്ഷാ ഭവൻ സ്പെഷ്യൽ എഡ്യൂക്കേറ്റർ മുഹമ്മദ് അജ്വദ് പരിപാടിക്ക് നേതൃത്വം നൽകി.








Kerala
മലപ്പുറം ജില്ലാ ട്രോമാകെയർ തവനൂർ പ്രതീക്ഷാ ഭവനിൽ പ്രഥമ ശുശ്രൂഷാ പരിശീലനം നടത്തി

കേരള സർക്കാർ സാമൂഹ്യനീതി വകുപ്പിന് കീഴിലുള്ള പ്രതീക്ഷഭവനിലെ 40 താമസക്കാർക്കും തവനൂർ വൃദ്ധ മന്ദിരത്തിലെ താമസക്കാർക്കും വേണ്ടി സീതി സാഹിബ് മെമ്മോറിയൽ ടെക്നിക്ക് നാഷണൽ സർവീസ് സ്കീം, സ്നേഹതീരം വളണ്ടിയർ വിംഗ്, ലീഡ്സ് സെൻ്റർ ഫോർ ലോക്കൽ എംപവർമെൻ്റ് ആൻറ് സോഷ്യൽ ഡവലപ്മെൻ്റ്, എന്നിവ സംയുക്തമായി മലപ്പുറം ജില്ലാ ട്രോമാ കെയറിന്റെ ആഭിമുഖ്യത്തിൽ പ്രഥമ ശുശ്രൂഷാ പരിശീലനം നൽകി.
പരിപാടിക്ക് എസ് എസ് എം പോളിടെക്നിക്ക് കോളേജ് ഇഎംസി കോഡിനേറ്റർ അൻവർ സുലൈമാൻ സ്വാഗതം പറഞ്ഞു.
തവനൂർ വൃദ്ധമന്ദിരം സൂപ്രണ്ട് സിദ്ദിഖ് ചുണ്ടക്കാടൻ അധ്യക്ഷത വഹിച്ചു.
കേളപ്പജി കാർഷിക കോളേജ് സൈന്റിസ്റ്റ് ഡോക്ടർ പ്രശാന്ത് കെ പരിശീലന പരിപാടി ഉദ്ഘാടനം ചെയ്തു.
പ്രഥമ ശുശ്രൂഷാ പരിശീലന പരിപാടിക്ക് ഡോക്ടർ ഹബീബുള്ള എം ടി നേതൃത്വം നൽകി.
മലപ്പുറം ജില്ലാ ട്രോമാകെയർ ഭാരവാഹികളായ മുജീബ് തൃത്താല, ഷമീർ അലി പി, അബ്ദുള്ള പികെ, പി വാമനൻ, മുജീബ് റഹ്മാൻ കെ, എന്നിവർ ഡെമോൺസ്ട്രേഷൻ നടത്തി.
എൻഎസ്എസ് ജില്ലാ കോഡിനേറ്റർ കെ എ കാദർ, ഇന്ദിരാഗാന്ധി നാഷണൽ അവാർഡ് ജേതാവ് അബ്ദുൾ നാസർ കൊക്കോടി, എ പി സൈതലവി, ലീഡ്സ് കോഡിനേറ്റർ മുഹമ്മദ് സിയാദ് ടിഎ, എന്നിവർ പങ്കെടുത്തു.
പ്രതീക്ഷ ഭവൻ മെയിൽ അറ്റൻ്റൻ്റ് പ്രദീപ് കെയോൺ പരിപാടിക്ക് ആശംസകൾ അർപ്പിച്ചു.
പ്രതീക്ഷാ ഭവൻ സ്പെഷ്യൽ എഡ്യൂക്കേറ്റർ മുഹമ്മദ് അജ്വദ് പരിപാടിക്ക് നേതൃത്വം നൽകി.















News
നൂറ് പേർക്ക് ട്രോമാ കെയർ പരിശീലനം നടന്നു; ലക്ഷ്യം സമ്പൂർണ്ണ ട്രോമാ കെയർ സാക്ഷരത; തിരൂർ പോളിടെക്നിക്കിൽ രണ്ടാം ഘട്ട പരിശീലനം ഉടൻ

മലപ്പുറം ഡിസ്ട്രിക്റ്റ് ട്രോമ കെയർ നേതൃത്വത്തിൽ തിരൂർ സീതി സാഹിബ് മെമ്മോറിയൽ പോളിടെക്നിക്ക് ലീഡ്സ് സെൻറർ, എൻ എസ് എസ്, എൻ സി സി, സ്നേഹതീരം വളണ്ടിയർ വിംഗ്, എന്നിവയുടെ സംയുക്ത സഹകരണത്തോടെ റോഡ് സേഫ്റ്റി, ഫസ്റ്റ് എയിഡ്, എന്നിവയിൽ ഒന്നാം ഘട്ട പരിശീലനം തിരൂർ എസ്. എസ്. എം പോളിടെക്നിക്കിൽ ആഗസ്റ്റ് 7ന് നടന്നു.
എൻ.എസ്.എസ്. കേരള സ്റ്റേറ്റ് ഓഫീസർ ഡോ. ആർ. എൻ. അൻസർ ഓൺലൈനിൽ പരിപാടിയുടെ ഉദ്ഘാടനം നിർവ്വഹിച്ചു. തിരൂർ താലൂക്കിലെ പൊതു ജനങ്ങൾക്കായാണ് പരിശീലന പരിശീലന പരിപാടി നടത്തിയത്.
പോളിടെക്നിക്ക് എനർജി മാനേജ്മെൻറ് സെൻറർ നോഡൽ ഓഫീസർ അൻവർ സുലൈമാൻ അദ്ധ്യക്ഷത വഹിച്ച പരിപാടി, ടി. എ. മുഹമ്മദ് സിയാദ് (തുടർ വിദ്യാഭാസ കേന്ദ്രം മാനേജർ) സ്വാഗതവും അഫ്രീദ്. എ.കെ. (സ്നേഹതീരം എക്സിക്യൂട്ടീവ് മെമ്പർ) നന്ദിയും പറഞ്ഞു.
മലപ്പുറം ഡിസ്ട്രിക്ട് ട്രോമകെയർ ജനറൽ സെക്രട്ടറി പ്രദീഷ് കെ പി ട്രോമ കെയർ പ്രവർത്തനങ്ങളും പരിശീലന പരിപാടികളും വിശദീകരിച്ചു.
മലപ്പുറം ഡിസ്ട്രിക്ട് ട്രോമകെയർ പ്രസിഡണ്ട്, മുൻ ഡെപ്യൂട്ടി ട്രാൻസ്പോർട്ട് കമ്മീഷണർ ഡോ. പി. എം മുഹമ്മദ് നജീബ് (വേർഡ് ബാങ്ക് റോഡ് സേഫ്റ്റി കൺസൾട്ടൻറ്) മുഖ്യാതിഥി ആയിരുന്നു.
പൊതുജനങ്ങൾ കൂടാതെ, വിവിധ പോളിടെക്നിക്കുകളിലെ എൻഎസ്എസ് അംഗങ്ങൾ, സ്നേഹതീരം വളണ്ടിയർമാർ, തുടങ്ങി നൂറ് പേർ പരിശീലനത്തിൽ പങ്കെടുത്തു.
എം.പി. ഹാരിസ് (സ്റ്റാഫ് കോഓർഡിനേറ്റർ, പോളിടെക്നിക് ട്രോമാ കെയർ യൂണിറ്റ്), എൻഎസ്എസ് ടെക് സെൽ മലപ്പുറം ജില്ലാ കോഓർഡിനേറ്റർ കെ.എ.കാദർ, ഇ. നൂറു മുഹമ്മദ് (ഡിഎംഒ ഓഫീസ് മലപ്പുറം), തുടങ്ങിയവർ ആശംസകൾ നേർന്ന് പ്രഭാഷണം നടത്തി.
ഒന്നാം ഘട്ട പരിശീലനത്തിൻറെ ഭാഗമായി ഹെൽത്ത് ഇൻസ്പെക്ടർ കെ. നാസർ അഹമ്മദ് വാഴക്കാട് (വിഷയം: പ്രഥമ ശുശ്രൂഷ), മോട്ടോർ വാഹനവകുപ്പ് ഇൻസ്പെക്ടർ അബ്ദുൽ കരീം ചാലിൽ (വിഷയം: റോഡ് സുരക്ഷ), എന്നിവർ പരിശീലനം നൽകി.
ട്രോമ കെയർ തിരൂർ, വൈലത്തൂർ, കൽപകഞ്ചേരി യൂണിറ്റ് ഭാരവാഹികളായ മുജീബ് റഹ്മാൻ. കെ, ഷിഹാബ് ടിടി., മുഹമ്മദ് യുസഫ് സിഎച്, പ്രഭാകരൻ കെ, ഷമീം പികെ, സുബൈർ എ, അബ്ദുറഹിമാൻ വിടി, ശറഫുദ്ധീൻ സി, മുജീബ് റഹ്മാൻ കെ, എൻഎസ്എസ് ഡിസ്ട്രിക്ട് വളണ്ടിയർ സെക്രട്ടറിമാരായ അംന നസ്രിൻ സി, ഫെമിന പി, എന്നിവർ പരിപാടികൾ ഏകോപിപ്പിച്ചു.
ഷമീർ അലി പി, നാസർ പുല്ലാട്ട്, ഇസ്മായിൽ പറവന്നൂർ, കെഎം അർഷൽ, ഉബൈദ് സ്നേഹതീരം, എ.പി. മുഹമ്മദ് സുഹൈൽ, പത്മനാഭൻ പള്ളിയേരി, എന്നിവർ പരിപാടികൾക്ക് നേതൃത്വം നൽകി.
ഒന്നാം ഘട്ടം പരിശീലനം പൂർത്തിയാക്കിയവർക്കായി രണ്ടാം ഘട്ടം പരിശീലനം ഉടൻ ആവിഷ്ക്കരിക്കുന്നതായി പോളിടെക്നിക് ചെയർമാൻ കെ കുട്ടി അഹമ്മദ് കുട്ടി, പ്രിൻസിപ്പാൾ അബ്ദുൽ നാസർ കൈപ്പഞ്ചേരി, എന്നിവർ അറിയിച്ചു.




















