News
ലീഡ്സ് സൈക്ലിംഗ് ക്ലബ്ബ് ഉൽഘാടനം – “ആരോഗ്യമുള്ള യുവത്വം ആരോഗ്യമുള്ള സമൂഹം” : റിപ്പബ്ലിക്ക് ദിന റാലി തിരൂർ ഡിവൈഎസ്പി ഫ്ലാഗ് ഓഫ് നിർവ്വഹിച്ചു

തിരൂർ സീതി സാഹിബ് മെമ്മോറിയൽ പോളിടെക്നിക്കിൻ്റെ ഇൻസ്റ്റിറ്റ്യൂഷണൽ സോഷ്യൽ റസ്പോൺസിബിലിറ്റി സംരംഭമായ ലീഡ്സ് സെൻറർ ഫോർ ലോക്കൽ എംപവർമെൻ്റ് ആൻറ് സോഷ്യൽ ഡവലപ്മെൻ്റിന് കീഴിൽ സൈക്ലിംഗ് ക്ലബ്ബ് റിപ്പബ്ലിക് ദിനത്തിൽ പ്രിൻസിപ്പാൾ അബ്ദുൽ നാസർ കൈപ്പഞ്ചേരി ഉൽഘാടനം ചെയ്തു.

സൈക്കിൾ റൈഡിംഗ് ജീവിത ശൈലിയാക്കി ആരോഗ്യ ശാക്തീകരണത്തിന് വിദ്യാർത്ഥികളെ പ്രേരിപ്പിക്കുക, സമൂഹത്തിൽ ആരോഗ്യ അവബോധം സൃഷ്ടിക്കുക, സൈക്ലിംഗിൻ്റെ ഗുണങ്ങൾ ജനങ്ങളിലെത്തിക്കുക, എന്നിവയാണ് മുഖ്യ ലക്ഷ്യം.

1995 ബാച്ച് സിവിൽ അലുംനി സ്റ്റാർട്ടപ്പ് കമ്പനിയായ G54 ENGINEERS ആണ് വിദ്യാർത്ഥികൾക്ക് ഉപയോഗപ്പെടുത്താവുന്ന രീതിയിൽ സൈക്കിളുകളും അനുബന്ധ റൈഡിംഗ് സാമഗ്രികളും ഒരുക്കുന്നത്.

റിപ്പബ്ലിക്ക് ദിനത്തിൽ പ്രിൻസിപ്പാൾ അബ്ദുൽ നാസർ കൈപ്പഞ്ചേരി പൂർവ്വ വിദ്യാർത്ഥി പ്രതിനിധികളായ നാദിയ എംകെ, റൈഹാനത്ത് നൂർജഹാൻ, മനോജ് അമ്പാടി, എന്നിവരിൽ നിന്ന് സൈക്കിളുകളും അനുബന്ധ റൈഡിംഗ് സാമഗ്രികളും ഏറ്റുവാങ്ങി.

30 ൽ പരം വർഷങ്ങളായി പോളിടെക്നിക്കിൽ സേവനമനുഷ്ഠിക്കുന്ന ഫിസിക്കൽ എജുക്കേഷൻ അധ്യാപകനായ സാദിക്ക് തങ്ങളോടുള്ള ആദര സൂചകമായി ഈ പദ്ധതി സമർപ്പിക്കുന്നതായി അലുംനി കമ്പനി സിഇഒ റഷീദ് അബ്ദുള്ള അറിയിച്ചു.

റിപ്പബ്ലിക് ദിന പരിപാടികളെ തുടർന്ന് പോളിടെക്നിക്ക് എൻസിസി കേഡറ്റുകൾ ബഹുമാനപ്പെട്ട തിരൂർ ഡിവൈഎസ്പി ബെന്നി. വി.വി. യെ ഗാർഡ് ഓഫ് ഓണർ നൽകി സ്വീകരിച്ചു.

എൻഎസ്എസ് സ്റ്റാഫ് കോ ഓർഡിനേറ്റർമാർ മുംതാസ് എം, സൈഫുന്നിസ എൻ, വിമൻ ഇനിഷ്യേറ്റീവ് ഫോർ സെൽഫ് എംപവർമെൻറ് (വൈസ്) കോഓർഡിനേറ്റർ രേഷ്മ സിഎ, എന്നിവർ റിപ്പബ്ലിക്ക് ദിന പരിപാടികൾ ഏകോപിപ്പിച്ചു.

കോവിഡ് പ്രോട്ടോകോൾ പാലിച്ചു കൊണ്ട് 2022 ജനുവരി 26 ന് 9 മണിക്ക്
“‘ആരോഗ്യമുള്ള യുവത്വം.. ആരോഗ്യമുള്ള സമൂഹം..” (Healthy Youth.. Healthy Society..) എന്ന സന്ദേശ പ്രചരണാർത്ഥം നടത്തിയ സൈക്കിൾ റാലി
ബഹുമാനപ്പെട്ട തിരൂർ ഡിവൈഎസ്പി ബൈന്നി വിവി ഫ്ലാഗ് ഓഫ് നിർവ്വഹിച്ചു.

ലൈഫ് സ്റ്റൈൽ സൈക്ലിസ്റ്റ് പ്രദീപ് കുമാർ ടിപി, ആരിഫ് ഐറിസ്, സിയാദ് വെൽക്കം (സൈക്ലിംഗ് ക്ലബ് തിരൂർ), എംഎ റഹ്മാൻ (നൈറ്റ് റൈഡേഴ്സ് തിരൂർ), മുഹമ്മദ് സിനാൻ വിപി, മുഹമ്മദ് റിൻഷാദ് സിപി, മുഹമ്മദ് സുഹൈൽ കെ (ആലത്തിയൂർ പെഡലേഴ്സ്), തുടങ്ങിയ തിരൂരിലെ പ്രമുഖ റൈഡർമാരും, സൈക്ലിംഗ് ക്ലബുകളും റാലിയിൽ അണിനിരന്നു.

പോളിടെക്നിക്ക് വിദ്യാർത്ഥികൾ, എൻഎസ്എസ് വളണ്ടിയർമാർ, എൻസിസി കേഡറ്റ്സ്, അധ്യാപകർ, മറ്റ് ജീവനക്കാർ, തുടങ്ങിയവർ സൈക്ലിംഗ് ക്ലബ് ഉൽഘാടന ചടങ്ങിലും റാലിയിലും പങ്കെടുത്തു.
ഫിസിക്കൽ എജുക്കേഷൻ അദ്ധ്യാപകൻ സാദിക്ക് തങ്ങൾ, അൻവർ എസ്, ഹാരിസ് ബിൻ ജമാൽ, ഷറഫുദ്ധീൻ സിപി, അബ്ദുൽ നാസർ കൊക്കോടി, ഹാഷിം എഎസ്, അബ്ദന്നാസിർ എം, അബ്ബാസ് കുന്നത്ത്, ജാസിർ ടിപി, മുഹമ്മദ് നൗഷാദ് കെ, ഹാഷിം എൻഎച്ച്, മനാഫ് പൂന്തല, മിസ്ഹബ് ടിപി, സഹദ് സിപി, മുസ്തഫ വിപി, മുഹമ്മദ് അമിത്ത്, പത്മനാഭൻ പള്ളിയേരി, വിദ്യാർത്ഥികളായ അവാദ് അസീസ്, ഹബീബ് റഹ്മാൻ പി, അനസുദ്ദീൻ പിപി, രിസ്വാൻ, റയ്യാൻ ജാസിം, എന്നിവർ റാലിക്ക് നേതൃത്വം നൽകി.

തിരൂർ പോളിടെക്നിക്ക് ഡയമണ്ട് ജൂബിലി വർഷമായ ഈ വേളയിൽ പ്രദേശിക സമൂഹത്തിന് ഉപകാരപ്പെടും വിധം വൈവിധ്യമാർന്ന പദ്ധതികൾ നടപ്പാക്കുമെന്ന് ലീഡ്സ് മുഖ്യ രക്ഷാധികാരി കെ കുട്ടി അഹമ്മദ് കുട്ടി (ഗവർണിംഗ് ബോഡി ചെയർമാൻ) സന്ദേശത്തിൽ അറിയിച്ചു.
സമീപ പ്രദേശത്തെ സ്ക്കൂൾ വിദ്യാർത്ഥികളിലേക്കും യുവാക്കളിലേക്കും പദ്ധതിയുടെ പ്രയോജനം എത്തിക്കുവാൻ ആലോചിക്കുന്നതായി ലീഡ്സ് സൈക്ലിംഗ് ക്ലബ് സ്റ്റാഫ് സെക്രട്ടറി എംപി ഹാരിസ്, സ്റ്റുഡൻ്റ് സെക്രട്ടറി ഹബീബ് റഹ്മാൻ പി എന്നിവർ അറിയിച്ചു.
ലീഡ്സ് കോഓർഡിനേറ്റർ മുഹമ്മദ് സിയാദ് ടിഎ നന്ദി പ്രകാശിപ്പിച്ചു.
News
മലപ്പുറം ജില്ലാ ട്രോമാകെയർ തവനൂർ പ്രതീക്ഷാ ഭവനിൽ റോഡ് സുരക്ഷ ബോധവൽകരണ പരിശീലനം നടത്തി

കേരള സർക്കാർ സാമൂഹ്യനീതി വകുപ്പിന് കീഴിലുള്ള പ്രതീക്ഷഭവനിലെ 40 താമസക്കാർക്കു വേണ്ടി സീതി സാഹിബ് മെമ്മോറിയൽ പോളി ടെക്നിക്ക് നാഷണൽ സർവീസ് സ്കീം, സ്നേഹതീരം വളണ്ടിയർ വിംഗ്, ലീഡ്സ് സെൻ്റർ ഫോർ ലോക്കൽ എംപവർമെൻ്റ് ആൻറ് സോഷ്യൽ ഡവലപ്മെൻ്റ്, എന്നിവ സംയുക്തമായി മലപ്പുറം ജില്ലാ ട്രോമാ കെയറിന്റെ ആഭിമുഖ്യത്തിൽ റോഡ് സുരക്ഷ ബോധവൽകരണ പരിശീലനം നൽകി.
പരിപാടിക്ക് എസ് എസ് എം പോളിടെക്നിക്ക് കോളേജ് ഇഎംസി കോഡിനേറ്റർ അൻവർ സുലൈമാൻ സ്വാഗതം പറഞ്ഞു.
തവനൂർ വൃദ്ധമന്ദിരം സൂപ്രണ്ട് സിദ്ദിഖ് ചുണ്ടക്കാടൻ അധ്യക്ഷത വഹിച്ചു.
മലപ്പുറം ജില്ലാ എൻഎസ്എസ് കോഡിനേറ്റർ കെ എ കാദർ പരിപാടി ഉദ്ഘാടനം ചെയ്തു.
ബോധവൽക്കരണ പരിശീലന പരിപാടിക്ക് തിരൂരങ്ങാടി അസിസ്റ്റന്റ് മോട്ടോർ വെഹിക്കിൾ ഇൻസ്പെക്ടർ സന്തോഷ് കുമാർ കെ നേതൃത്വം നൽകി.
മലപ്പുറം ജില്ലാ ട്രോമാകെയർ ഭാരവാഹികളായ മുജീബ് തൃത്താല, അബ്ബാസ് താനൂർ, അബ്ദുല്ല വികെ, റസാക്ക്, വാമനൻ, എന്നിവർ പങ്കെടുത്തു.
പ്രതീക്ഷ ഭവൻ സ്പെഷ്യൽ എഡ്യൂക്കേറ്റർ മുഹമ്മദ് അജ്മൽ പരിപാടിക്ക് ആശംസകൾ അർപ്പിച്ചു.
പ്രതീക്ഷാ ഭവൻ സ്പെഷ്യൽ എഡ്യൂക്കേറ്റർ മുഹമ്മദ് അജ്വദ് പരിപാടിക്ക് നേതൃത്വം നൽകി.








Kerala
മലപ്പുറം ജില്ലാ ട്രോമാകെയർ തവനൂർ പ്രതീക്ഷാ ഭവനിൽ പ്രഥമ ശുശ്രൂഷാ പരിശീലനം നടത്തി

കേരള സർക്കാർ സാമൂഹ്യനീതി വകുപ്പിന് കീഴിലുള്ള പ്രതീക്ഷഭവനിലെ 40 താമസക്കാർക്കും തവനൂർ വൃദ്ധ മന്ദിരത്തിലെ താമസക്കാർക്കും വേണ്ടി സീതി സാഹിബ് മെമ്മോറിയൽ ടെക്നിക്ക് നാഷണൽ സർവീസ് സ്കീം, സ്നേഹതീരം വളണ്ടിയർ വിംഗ്, ലീഡ്സ് സെൻ്റർ ഫോർ ലോക്കൽ എംപവർമെൻ്റ് ആൻറ് സോഷ്യൽ ഡവലപ്മെൻ്റ്, എന്നിവ സംയുക്തമായി മലപ്പുറം ജില്ലാ ട്രോമാ കെയറിന്റെ ആഭിമുഖ്യത്തിൽ പ്രഥമ ശുശ്രൂഷാ പരിശീലനം നൽകി.
പരിപാടിക്ക് എസ് എസ് എം പോളിടെക്നിക്ക് കോളേജ് ഇഎംസി കോഡിനേറ്റർ അൻവർ സുലൈമാൻ സ്വാഗതം പറഞ്ഞു.
തവനൂർ വൃദ്ധമന്ദിരം സൂപ്രണ്ട് സിദ്ദിഖ് ചുണ്ടക്കാടൻ അധ്യക്ഷത വഹിച്ചു.
കേളപ്പജി കാർഷിക കോളേജ് സൈന്റിസ്റ്റ് ഡോക്ടർ പ്രശാന്ത് കെ പരിശീലന പരിപാടി ഉദ്ഘാടനം ചെയ്തു.
പ്രഥമ ശുശ്രൂഷാ പരിശീലന പരിപാടിക്ക് ഡോക്ടർ ഹബീബുള്ള എം ടി നേതൃത്വം നൽകി.
മലപ്പുറം ജില്ലാ ട്രോമാകെയർ ഭാരവാഹികളായ മുജീബ് തൃത്താല, ഷമീർ അലി പി, അബ്ദുള്ള പികെ, പി വാമനൻ, മുജീബ് റഹ്മാൻ കെ, എന്നിവർ ഡെമോൺസ്ട്രേഷൻ നടത്തി.
എൻഎസ്എസ് ജില്ലാ കോഡിനേറ്റർ കെ എ കാദർ, ഇന്ദിരാഗാന്ധി നാഷണൽ അവാർഡ് ജേതാവ് അബ്ദുൾ നാസർ കൊക്കോടി, എ പി സൈതലവി, ലീഡ്സ് കോഡിനേറ്റർ മുഹമ്മദ് സിയാദ് ടിഎ, എന്നിവർ പങ്കെടുത്തു.
പ്രതീക്ഷ ഭവൻ മെയിൽ അറ്റൻ്റൻ്റ് പ്രദീപ് കെയോൺ പരിപാടിക്ക് ആശംസകൾ അർപ്പിച്ചു.
പ്രതീക്ഷാ ഭവൻ സ്പെഷ്യൽ എഡ്യൂക്കേറ്റർ മുഹമ്മദ് അജ്വദ് പരിപാടിക്ക് നേതൃത്വം നൽകി.















News
നൂറ് പേർക്ക് ട്രോമാ കെയർ പരിശീലനം നടന്നു; ലക്ഷ്യം സമ്പൂർണ്ണ ട്രോമാ കെയർ സാക്ഷരത; തിരൂർ പോളിടെക്നിക്കിൽ രണ്ടാം ഘട്ട പരിശീലനം ഉടൻ

മലപ്പുറം ഡിസ്ട്രിക്റ്റ് ട്രോമ കെയർ നേതൃത്വത്തിൽ തിരൂർ സീതി സാഹിബ് മെമ്മോറിയൽ പോളിടെക്നിക്ക് ലീഡ്സ് സെൻറർ, എൻ എസ് എസ്, എൻ സി സി, സ്നേഹതീരം വളണ്ടിയർ വിംഗ്, എന്നിവയുടെ സംയുക്ത സഹകരണത്തോടെ റോഡ് സേഫ്റ്റി, ഫസ്റ്റ് എയിഡ്, എന്നിവയിൽ ഒന്നാം ഘട്ട പരിശീലനം തിരൂർ എസ്. എസ്. എം പോളിടെക്നിക്കിൽ ആഗസ്റ്റ് 7ന് നടന്നു.
എൻ.എസ്.എസ്. കേരള സ്റ്റേറ്റ് ഓഫീസർ ഡോ. ആർ. എൻ. അൻസർ ഓൺലൈനിൽ പരിപാടിയുടെ ഉദ്ഘാടനം നിർവ്വഹിച്ചു. തിരൂർ താലൂക്കിലെ പൊതു ജനങ്ങൾക്കായാണ് പരിശീലന പരിശീലന പരിപാടി നടത്തിയത്.
പോളിടെക്നിക്ക് എനർജി മാനേജ്മെൻറ് സെൻറർ നോഡൽ ഓഫീസർ അൻവർ സുലൈമാൻ അദ്ധ്യക്ഷത വഹിച്ച പരിപാടി, ടി. എ. മുഹമ്മദ് സിയാദ് (തുടർ വിദ്യാഭാസ കേന്ദ്രം മാനേജർ) സ്വാഗതവും അഫ്രീദ്. എ.കെ. (സ്നേഹതീരം എക്സിക്യൂട്ടീവ് മെമ്പർ) നന്ദിയും പറഞ്ഞു.
മലപ്പുറം ഡിസ്ട്രിക്ട് ട്രോമകെയർ ജനറൽ സെക്രട്ടറി പ്രദീഷ് കെ പി ട്രോമ കെയർ പ്രവർത്തനങ്ങളും പരിശീലന പരിപാടികളും വിശദീകരിച്ചു.
മലപ്പുറം ഡിസ്ട്രിക്ട് ട്രോമകെയർ പ്രസിഡണ്ട്, മുൻ ഡെപ്യൂട്ടി ട്രാൻസ്പോർട്ട് കമ്മീഷണർ ഡോ. പി. എം മുഹമ്മദ് നജീബ് (വേർഡ് ബാങ്ക് റോഡ് സേഫ്റ്റി കൺസൾട്ടൻറ്) മുഖ്യാതിഥി ആയിരുന്നു.
പൊതുജനങ്ങൾ കൂടാതെ, വിവിധ പോളിടെക്നിക്കുകളിലെ എൻഎസ്എസ് അംഗങ്ങൾ, സ്നേഹതീരം വളണ്ടിയർമാർ, തുടങ്ങി നൂറ് പേർ പരിശീലനത്തിൽ പങ്കെടുത്തു.
എം.പി. ഹാരിസ് (സ്റ്റാഫ് കോഓർഡിനേറ്റർ, പോളിടെക്നിക് ട്രോമാ കെയർ യൂണിറ്റ്), എൻഎസ്എസ് ടെക് സെൽ മലപ്പുറം ജില്ലാ കോഓർഡിനേറ്റർ കെ.എ.കാദർ, ഇ. നൂറു മുഹമ്മദ് (ഡിഎംഒ ഓഫീസ് മലപ്പുറം), തുടങ്ങിയവർ ആശംസകൾ നേർന്ന് പ്രഭാഷണം നടത്തി.
ഒന്നാം ഘട്ട പരിശീലനത്തിൻറെ ഭാഗമായി ഹെൽത്ത് ഇൻസ്പെക്ടർ കെ. നാസർ അഹമ്മദ് വാഴക്കാട് (വിഷയം: പ്രഥമ ശുശ്രൂഷ), മോട്ടോർ വാഹനവകുപ്പ് ഇൻസ്പെക്ടർ അബ്ദുൽ കരീം ചാലിൽ (വിഷയം: റോഡ് സുരക്ഷ), എന്നിവർ പരിശീലനം നൽകി.
ട്രോമ കെയർ തിരൂർ, വൈലത്തൂർ, കൽപകഞ്ചേരി യൂണിറ്റ് ഭാരവാഹികളായ മുജീബ് റഹ്മാൻ. കെ, ഷിഹാബ് ടിടി., മുഹമ്മദ് യുസഫ് സിഎച്, പ്രഭാകരൻ കെ, ഷമീം പികെ, സുബൈർ എ, അബ്ദുറഹിമാൻ വിടി, ശറഫുദ്ധീൻ സി, മുജീബ് റഹ്മാൻ കെ, എൻഎസ്എസ് ഡിസ്ട്രിക്ട് വളണ്ടിയർ സെക്രട്ടറിമാരായ അംന നസ്രിൻ സി, ഫെമിന പി, എന്നിവർ പരിപാടികൾ ഏകോപിപ്പിച്ചു.
ഷമീർ അലി പി, നാസർ പുല്ലാട്ട്, ഇസ്മായിൽ പറവന്നൂർ, കെഎം അർഷൽ, ഉബൈദ് സ്നേഹതീരം, എ.പി. മുഹമ്മദ് സുഹൈൽ, പത്മനാഭൻ പള്ളിയേരി, എന്നിവർ പരിപാടികൾക്ക് നേതൃത്വം നൽകി.
ഒന്നാം ഘട്ടം പരിശീലനം പൂർത്തിയാക്കിയവർക്കായി രണ്ടാം ഘട്ടം പരിശീലനം ഉടൻ ആവിഷ്ക്കരിക്കുന്നതായി പോളിടെക്നിക് ചെയർമാൻ കെ കുട്ടി അഹമ്മദ് കുട്ടി, പ്രിൻസിപ്പാൾ അബ്ദുൽ നാസർ കൈപ്പഞ്ചേരി, എന്നിവർ അറിയിച്ചു.




















